Simon-i Niall Horan ‘The X Factor’ nung shilem magidaktsüi nokdangogo

London, October 23 (Agencies) : Music business tetsüdi, Simon Cowell-i Ireland nunger ken zülur aser kentener Niall Horan “The X Factor” nung ken metendaktsüi nokdangogo. Horan-i Cowell den pa kija kensep ka menüngoktsü renema jembir aliba Universal dena inyaktepba ajanga Cowell mepela, ta mirror.co.uk osang ajanga ashi.
Sun osangkaket ajanga ashiba agi, Horan-i pa ken “This town” iba sabang nung atentsü kecha imli mangutsü.
Liam Payne-ia Cowell den tokteper ka den ang pa ken menüngokba ajanga iba sabang nung shilem magidaktsütsü nokdanga lir.
“Simon-i X Factor nung item kentenertem anepalua sayutsüngi aser tesayuba tajung agüja alima nung nüngtugu kümdaktsüba sülen parnoki mashioktsütsü amai bilem. Aji oda süaka parnoki meyiper pa ashioktsü. Pai joko parnok atema mapa tajung kecha meinyaktsü. Kentenertemi iba ama sabang nung shilem agia parnok ken ajungketner kechiba süra iba sentong ya nisung million ti-i repranger,” ta kasa osang ajangasa ashi.