Typhoon Haima agi takosa tulu bener arutsü

Beijing, October 23 (Agencies) : China kübok Guangdong province nung Typhoon Haima agi nisung million 1.69 tema dak kongshi aser sen million dollar 517 shi takoksa bener arutsüogo.
Typhoon Haima ajanga yimti aika nung aoksaa tzünglu aludaktsü, ta Deobarnü provincial civil affairs department ajanga metetdaktsü.
Iba yipru tulu agi ki 2,749 den tsünütsü yoker aliba alu hectare 178,000 raksatsüba osang department-i angashiogo. Tang asadangteta aliba takoksaji sen million dollar 517 lir, ta department-i ashi. Iba yipru agi ki million 2.12 nung light mali kümdaktsüogo.
Yipru arutsü takzüteter mapa shitak nung nisung 668,000 tashi tesem aitsüba mapang yiruyipongba osangbo kecha mali, ta China sorkar indang osang kaket Xinhua news agency-i metetdaktsü.
Iba yipru yagi light raksaja amang tia nung yutsüba tesem noklang nung silem 95.5 tashi nungbo Honibar tashi nung yangluteta yutsüogo.
Typhoon Haima ya Philippines anüdoklentip len timtem agütsüba sülen China anüolentip tsütsüi Hokolbarnü nungi arutsü tenzük aser iba mapang mopung aser tzünglu tesashi alua, tzümetsüngdangtsü, anentsüh aludaktsü aser light raksatsü.