April-Sept ita gari top 10 nung Maruti model trok lir

New Delhi, October 23 (Agencies): Taküm financial year tesadang (April-September) tashi nung linük nung gari timtiba ayokba temaba jenjang 10 rongnung linük nung gari yangluba company tultutiba Maruti Suzuki India indang gari trok tashi lir.
Society of Indian Automobile Manufacturers (SIAM) data ajanga ashiba agi, April-September tsüngda Maruti Suzuki India (MSI) indang gari, Alto temaba jenjang nung liasü, aser iba mapang nung iba model 1,20,720 ayok, ajisaka taoba küm 1,31,128 unit ayokba den medemdangra ibaji shilem 7.93 ajema liasü.
Kasa mapang nung Maruti indangsa WagonR gari tanabuba jenjang nung unit 86,939 yoka liasü, aser ibaji yaküm ayokba dang nungi shilem 2.69 agi timba liasü.
Tasembuba jenjang nung Maruti indang compact sedan Dzire gari unit 81,926 ayok, aser ibaji taoba mapang dang nungi shilem 20.95 agi tajemba liasü.
Pezbuba jenjang nung Maruti Swift unit 80,756 ayok aser pongububa jenajng nung Hyundai Motor India indang Grand i10 unit 71,703 ayok.
Trokbuba jenjang nung South Korean car company Hyundai indang  premium hatchback Elite i20 unit 61,784 ayok, saka taoba mapang nungbo unit 66,037 yokteta liasü.
Jenjang tentetbuba nung Renault India indang Kwid gari unit 56,028 tashi ayok, saka yakümbo unit 381 dang yokteta liasü.
Jenjang 8buba aser 9buba nung Maruti model tasen Baleno unit 54,947 aser compact SUV Vitara Brezza unit 50,859 yoka liasü aser 10buba jenjang nung Hyundai indang SUV Creta unit 47,923 yoka liasü.
Gari timtiba ayokba jenjang 10 nungi Maruti indang gari trok tashi aliba ajanga gari market nung Maruti Suzuki India’s (MSI) share ji shilem 47.2 tashi liasü.
Yaküm kasa mapang nung MSI market share ji shilem 47.29 liasü.