Nagaland nung NE Radiation Oncologists Conference amung

Kohima, October 23 (Agencies): Nagaland health & family welfare secretary, Maongwati Aier-i, cancer tashitak tapu balala atema treatment agiba dang nungibo kümdanga alitsü meratemji tongtibangtiba, ta metetdaktsü.
Yashi Eden Medical Centre, Dimapur nung 11buba Association of Radiation Oncologists of India, North East zone chapter (NEAROICON) annual conference tetenzük sentong nung Northeast nungi doctor tem den jembidang Maongwati Aier-i iba o ya jembia liasü.
Iba senden nung NE aser state nungi doctor tem arua dena liasü.
Iba senden nung TMC Mumbai, AIIMS & Fortis Hospital Delhi, Apollo Hospital Kolkata, Apollo Hospital Bilaspur, Medicity Medanta Gurgaon, BBCI Guwahati, RIMS Imphal aser NEM Care Hospital Guwahati nungi nüngtugu doctor tem (Oncologists) shisalen sayurtem liasü.