Paul Beatty-i 2016 Man Booker sempet agizükogo

London, October 26 (Agencies): Paul Beatty-i 2016 Man Booker sempet yashi, Mongolbar nü agizüka, iba nungtugu sempet agizüker mezüngbuba America nunger kaketzülur kümogo.
Beatty-i US’er sobaliba nung ajemdaker ‘The Sellout’ kaket züluba nüngtem nung pa nem dollar sen 61,000 senpet densemba sempetji agüja liasü.
“Beatty-i züluba kaket nung tanü putu nung benshiba America nunger sobaliba tatalokbatem densema lir. Nungtugu kaketzülur, Jonathan Swift aser Mark Twain nungeri züluba sülenbo Beatty-i tan mezüngsüa iba amala tatalokba kaket ka züluogo,” ta takoker shimtsü menden nung mendenbula, Historian Amanda Foreman-i metetdaktsü.
“The Sellout’ kaket nung Los Angeles kübok Dickens kiyong nung alirtemi ajurushiba tatalokba otsütem densema lir.
Beatty-i ‘Eileen’ kaketzülur, Ottessa Moshfegh; ‘His Bloody Project’ kaketzülur, Graeme Macrae Burnet; ‘Hot Milk’ kaketzülur, Deborah Levy; ‘All That Man Is’ kaketzülur, David Szalay aser ‘Do Not Say We Have Nothing’ kaketzülur, Madeleine Thien nunger den temaba jenjang ngua, tan nungtugu sempetji agizük.
Tesüiba mapang, 1969 küm mezüngsüa kaketzülur nem agütsüba sempet, Booker sempet agizüktsü atema 2014 küm nungi tenzüka, English oshi nung kaketzülurtema temeten agüja liasü.
Ano külen, Jamaica nunger Marlon James-i yaküm, 2016 küm agütsüba Man Booker sempet agizükba osanga jangjaogo.