Nagaland State Bharat Scouts & Guides Golden Jubilee amungtsü

Kohima, October 26 (TYO) : Nagaland State Bharat Scouts & Guides Golden Jubilee Organizing Committee-i October 2016 nungi April 2017 tashi jubilee dak sendakba sentongtem agitsü osang metetdaktsü.
September 15 nü NBS&G President, Khriehu Liezietsu menden ser agiba senden nung jubilee dak sendakba onük aika benoka olemtep.
Onüktem rongnung sub-committee 12 tentettsüba, jubilee logo, jubilee building yanglutsü, jubilee matongdang agitsüba sentongtem aser jubilee atema senotsü bendentsüba tem liasü.
NSBSG Golden Jubilee Organizing Committee-i atongba sentongtem rongnung, October ita nungi Jubilee building SHQ yanglutsüba, October-November 2016 mapang jubilee districts 11 sema senzütsüba, December 2016-January 2017 tsüngda New Delhi & Panchmari (MP) aser National Jamboree, International Youth Meet at Arapuri (Haryana) semdangtsüba tem lir.
Ano parnokisa, February 2017 nung Scouts & Guides, SHQ indang State level seminar ka ayongzüktsüba aser March 2017 nung Jubilee building semzüktsüba sentongtem yangluogo.
Hon jubileemungji April 2017 nung State Training Centre (STC) Nerhema nung ayongzüka amungtsü. Iba benjung nung district 11 nungi aser ano National Headquarters New Delhi nung Scouts & Guides 1200 shi adenshia shilem agitsü imlar, ta Golden Jubilee Organizing Committee Secretary, K. Neibou Sekhose-i sangdong ka nung metetdaktsü.