Islamabad nung longkak maittsü ozüng benoker

Islamabad, October 27 (Agencies): Pakistan sorkari par yimtiba, Islamabad nung nübur telok tulu mesenteptsü aser yimtenren ken o nung ajemdaker longkak aittsü sentonga ayonga magitsü ozüng tanü, Brehostibar nü benokogo.
Opposition telok yimsüsür, Imran Khan-i aniba opposition teloki sorkar anema longkak aittsü sentong taruba hopta agitsü asoshi ayongba mapang ka nung sorkari tan longkak maittsü ozüngji benoker lir.
Tan sorkari ozüng benok aka, par teloki sentong renemba ama, sorkar anema longkak aittsü sentong renemba olen ka Khan-ia metetdaktsüogo.
Ochimashiba ken o nung ajemdaker par Ato Kilonser, Nawaz Sharif-i yimsüsütsü menden toktsütsü takhangba Khan aser par Pakistan Tehreek-e-Insaf yimtenren teloki benoka lir.
“Sharif-i yimsüsütsü menden metoktsüra, ozü teloki taruba November ita 2 nü Islamabad yimti ajunga shibangja longkak aittsü renema lir,” ta Khan-i nenshia ashi.