Minority teratet reprangshitsüla: Giriraj Singh

Varanasi (Uttar Pradesh), October 27 (Agencies): Bodhbarnü Union Minister aser Bharatiya Janata Party (BJP) lenir, Giriraj Singh-i linük nung ‘minority’ teratet reprangshitsü nüngdaka kümogo, ta metetdaktsü.
Varanasi nung aliba Benaras Hindu University nung jembidang Minister of State Micro, Small & Medium Enterprise, Singh-i, “Linük nung Muslim nunger dang ‘minorty’ ta ajaba ya reprangshitsü nüngdak, kechiyong linük nung parnok nütsüng crore 20 dak tema lir,” ta ashi.
“Tesem kar nung parnok (Muslims) nütsüng timba lir aser tesem kar nungbo parnok nütsüng ishiba lir. Tesem anaprong nungji parnok dang ‘minority’ ajar,” ta paisa ashi.
Assembly election agitsü aliba state, Uttar Pradesh nung tang yimtenren nung mepetmesü aliba tensa dak sentakba nung tasüngdangba ka langzüdang pai, “Iba ya tashi raktepba aser yimsüsüba na tsüngda rara ka lir. Iba party (Samajwadi Party) nung shingaia yimtenren tajung atema mebilemer, aser ibaji ajanga party nung telemsa adoker ama reprangteter. Kibong nung tsükchitepba ajanga joko nüburtem laktetogo aser parnoki nüburtem meimba sorkar ka aginer,” ta ashi.