‘Daughters of Mother India’-i 1buba jenjang nung takok angu

Cairo, October 27, 2016 :  Trokbuba CAM International Film Festival, Cairo nung India nung National Award anguba “Daughters of Mother India”-i documentary ajanga documentary Film telemsa nung mezüngbuba jenjang nung takok angu.
Iba benjong ya Arabic Egyptian Society for Culture, Media & Arts (CMA)-i ayonga amungba lir.
“Daughters of Mother India” documentary film ya Vibha Bakshi-i direct asü aser iba documentary nung India nunger tebur aser tetsür tsüngda meputepba tsütsü tangatettep aser teimla nung tasü ita nokdakba otsü angutsü.
Iba otsü nung 2012 küm tebur telok kati Nirbhaya dak tashiyim agi mapa tamajung inyaker tepseta yutsüba sülen atalokba kar angutsü.
CAM International Film Festival ya October 8 nungi 13 tashi agia liasü.
Cinema ajanga asenoki kanga shishia mebilemba tebilemtsü tulutem, sensak tia aser kiralongraba anema nokdangtsü nükjidong nung iba sentong tulu ya küm shia ayonga akar. Taküm iba sentong nung linük 33 nungi cinema 92 ajanga telemsa asem —  Short Fiction, Documentary aser Animation — nung shilem agia liasü.
Taküm India CAM International Film Festival nung India tetüshi tejaoker asüba den külemi linük nungia film 12 tashi benoka shilem agi.