Thai Embassy teloki Shillong Don Bosco Museum semdangtsü

Shillong, October 27 (Agencies) : Delhi nung aliba Royal Thai Embassy nungi telok ka, Consulate General of Thailand, Mumbai aser Ambassador of Thailand to India Chalit Manityakul-i anir Ministry of Foreign Affairs, Thailand nungeri Don Bosco Museum, Mawlai tanü Bodhbarnü semdangtsü.
Iba telok yagisa museum anasa aliba Otto Hopfenmueller Library-a semdangogo.
Parnok ya Thailand chuba jala, Princess Maha Chakri Sirindhorn-i taruba ita Shillong asemnü atema semdangtsü sentong aliba ajanga jelia survey team ka yoker mesüka lir.
Princess Maha Chakri Sirindhorn-i Indian Council of Cultural Relations (ICCR)-i jaokba ama tan mezüng official süa India nung arua “World Sanskrit Award” agizüktsü. La India nung November 20 nungi 25, 2016 tashi amungtsü.
Princess Maha Chakri Sirindhorn-i Meghalaya ang masü saka Assam-a semdangtsü sentong lir.