Copa del Rey: Real Madrid-i goal 7-1 agi takok angu

Madrid, October 27 (Agencies): Real Madrid teloki goal 7-1 agi Cultural Leonesa telok madak takok ngua, par Copa del Rey asayamong asaya yashi, Bodbar nü asayaogo.
Yashi asaya nung Marco Asensio aser Alvaro Morata naprongi goal anana agüja, par Real telok nem takok ngudaktsü.
“Ozü teloki takok anguba atema kanga pelar. Tan takok anguba ama tarutsü asayatem nunga takok ngua, Copa de Rey takok marok agizüktsü merangtsü,” ta Real Coach, Zinedine Zidane-i asaya tembangba sülen metetdaktsü.
Taoba mapang Cop del Rey asayamong takok marok 19 ben tashi agizüker, Real teloki metemsüba asayar, Denis Cheryshev par telok tenüng nung asayadaktsüba ken o nung ajemdaker 2015 Copa del Rey asayamong tum nung par telok nem shilem magidaktsüi merenshia liasü.