Obendangertem meshimba atema SC-i Centre sorkar aitsür

New Delhi, October 28 (Agencies): High Court balala nung obendangertem shimtsü atema Supreme Court-i tenüng benokbatem Centre-i sendokba atema tanü Supreme Court-i sorkar aitsüogo.
Judicial tashimait kümdaktsütsü atema merangbaji magizüktettsü, ta shia Chief Justice TS Thakur, Justice DY Chandrachud aser Justice L Nageswara Rao nungeri akumba bench-i, obendangertem nüngdakba agi Karnataka High Court nung courtroom kishi ajak shibanga lir, ta ashi.
Chief Justice-isa, Allahabad High Court atema obendangertem shimtsü benokogo ajisüaka ibaji tesüiba ita teku tashi sorkari sendoker, ta ashi.
Paisa, parnoki benoka aliba tenüng kar danga sorkari ashishira itemji meyipa agüjang, ta ashiba den külemi tang High Court tem nung obendangertem lemzükja aliba nungi shilem 50-i dang inyaker, ta metetdaktsü.
“Mapang ka nungbo obendangertem liasü saka okadak maliasü, ajisüaka tanübo okadak takdangtem lir saka obendangertem mali. Karnataka High Court nung court takdang tesadang shibo shibanga lir. Nenoki okadak ajak shibangtsüba tajungba asütsü,” ta Chief Justice-i ashi.