Kiralongra ya tasümaitertem hadir lir: Rajnath

Greater Noida, October 28 (Agencies): Pakistan aitsüba olen ka nung tanü Union Home Minister, Rajnath Singh-i, Pakistan-i rara ayonger aser tasümeiti kiralongra teyari agia India yirutsütsü meranger, ta aitsü.
“Kidanger linüki rara ayonga arur. Ajisüaka kiralongra ya tasütaitertem masü saka tasümaitertem indang hadir ka lir. Tesülen nungi rarartem dangji tasümaitertem ta ajar, parnoki kiralongra teyari agir,” ta pai ashi.
Arrtsü anükker sepai, Indo-Tibetan Border Police (ITBP) indang 55buba Raising Day sentong nung jembidang Rajnath-i, ITBP sepaitemi kümküma mitba ajanga taküm Chinese People’s Liberation Army-i India arrtsüi aittsü merangba shilem 60 nokdangtetogo, ta ashi.
Tang India aser Pakistan na tsüngda tesentaktep mejungi aliba dak sentakba nung Home minister-i, kidanger linüki India yirutsütsü meranga arur aser kiralongra teyari agia linük tashi meiti kümdaktsütsü meranger, ta ashi.
India nunger alima nung rongsenkettsüng tekatitiba ainba aser terenlok nokdangtsü atema India dak tenük yoker, ta paisa ashi.
Taküm September 17 nü Pakistan nungi kiralongrartemi Uri nung sepai 19 tepsetba sülen nungi India-Pakitan arrtsülen tensa tamajungba kümogo.
Uri amakba küpzüka September 27 nü Indian Army-i PoK nung surgical strikes oa kiralongrar tesep aika amak.
Tamalen Singh-i sepaitem dang, “tsükchirtem dak asenoki tama injang meyoktsüla, saka parnoki tama injang yokra injang mezüngdangi kahlokjang,” ta ayongzüka liasü.