Chuchuyimlang Town nung Health Camp kaogo

Chuchu Town, Mokokchung 28th Oct’ 2016:   October 28, 2016 nü Chuchuyimlang Town nung District Mental Health Programme, Mokokchung aser Grace Society CBR Forum ajanga Health Camp cum Disability Certification camp ka ayongzüka liasü.
Iba Camp ya Dr. Temsuyanger, DPO(UIP/RCH) Nodal Officer, District Mental Health Programme, Mokokchung ajanga  achaayanga agia liasü. Chuchuyimlang Town aser anasa aliba Yimtsüngtem nungi temang nung timtem alir (Mental Retardation & Mental illness)  nisung 26 tashi temang repranga angati mozü agütsü aser temsüa alirtem nem  Disability Certificate renemja liasü.
Medical team  aser CBR staff ajanga iba tesem nung alir yimden Yimsüsur, Arogopur aser nütsüng nüburtem ajak dang iba camp ya takok ngudaktsüba asoshi pelaba metetdaktsü.  Maneni Tarutsü nunga nütsüng-nübur ajak longjemer iba ama yariteptsü ketdangsür ajanga ayongzüka liasü.