Mirza o Hingis na WTA Finals semi-i iogo

Singapore, October 28 (Agencies): India tsür, Sania Mirza aser Switzerland tsür, Martina Hingis nati par asaya koka, tang tasayadak WTA Finals tennis asayamong tetsür doubles semifinal asayatsü jenjang tanü, Hokolbar nü ajangzükogo.
Tan asayamong nung 2 buba jenjang abener, Mirza o Hingis nati tanü points 7-6 (12-10) 7-5 agi Chinese Taipei tsür, Hao-Ching Chan aser Yung Jan Chan na quartefinal nung tsükdaktsü.
Tenati temaba jenjang abener, Caroline Garcia o Kristina Mladenovic aser Bethanie Mattek-Sands o Lucie Safarova na rong nung takok angur den semifinal asayatsü.
Ano külen, Poland tsür, Agenieszka Radwanska-ia Karolina Pliskova madak takok ngua, tetsür singles semifinal asayatsü jenjang tanü ajangzüka liasü.
Radwanska-i tanü points 7-5 6-3 agi Pliskova tsükdaktsü aser lai tan agi WTA Finals semifinal asayatsü jenjang asemben tashi atonga ajangzüker lir.
Defending champion, Radwanska-i tetsür World No. 1, Angelique Kerber den semifinal asayatsü lemzükogo.