2016 French Open: PV Sindhu tsükogo

Paris Open, October 28 (Agencies): India’er Olympic silver medal agizüker, PV Sindhu-i tamakok ajurua, tang tasayadak French Open Super Series badminton asayamong nung joko toktepa shilem magitettsüsa jenjang tamajung tanü, Hokolbar nü ajuruogo.
China tsür, He Bingjiao-i tanü minute 41 nung points 22-20, 21-17 ngua, tan asayamong nung 6 buba jenjang abenla, Sindhu tsükdaktsü.
Külem sensopur, H S Prannoy-ia tebur singles asaya nung points 19-21, 16-21 ngua, Chinese Taipei nunger Chou Tien Chen nem kokdakja liasü.
Sindhu aser Prannoy naprongi tanü tamakok anguba ajanga India-i tan asayamong nung takok marok agizüktsü asoshi ayuba mangdang samatsüsa jenjang ajuruogo.