Kohima, October 28 (TYO): Nagaland Wrestling Qualified Referee Certificate alirtemi Kohima kübok Kohima Local Ground nung senden ka tan October ita 26 nü amenba sülen parnoki Nagaland Wrestling Referee Board (NWRB) tentetogo.
Tan asensa tentetba NWRB nung Tir inyaktsü atema Hukhoneyi Soho aser Tongti Zülur atema Kezhalelie Kerutsu shima, par tenteti melangteptsü aser melangteper jenjang tajungba kümdaktsütsü maparen inyaktsü khuret nungloktsüogo.
Ano külen, NWA aser NWA nung züngsemba teloktem den tongtepratepa, Grade A, B & C telemsa nung referee-tem nem temeten balala agütsüyim latettsü asoshi tan senden nung shilem agirtemi lemtetba osang jangjaogo.
Nagaland Wrestling Referee Board tentetogo added by nungsang on
View all posts by nungsang →
You must be logged in to post a comment Login