India ketdangser Surjeet Pak nungi aruogo

New Delhi/Islamabad, October 29 (Agencies): Indian High Commission ketdangser, Surjeet Singh, shiba Pakistan-i ‘melung masüba ketdangser’ ta sangdonga liasü, pai Honibarnü par kibong den külemi Pakistan toktsüogo, ta osang ka ajanga ashi.
October 27, 2016 nü Pakistan-i Surjeet Singh ya ‘melung masü’ ta sangdonga liasü aser Foreign Office-i pa dang ghonda 48 tsüngda linük toktsür oang ta tuyu.
Foreign Office sangdong ka ajanga, “Vienna Convention aser amenteta aliba diplomatic inyakyim alema inyakba atema India ketdangser asoshi tebilemtsü akaba Foreign Secretary-i lemsatepogo,” ta metetdaktsü.
Foreign Office-isa Indian High Commissioner to Pakistan, Gautam Bambawale jaok aser India-i  Pakistan High Commission staff züngsem ka ‘melung masü’ ta sangdongba atema ashishia jembi.
Brihostibarnü Indian Ministry of External Affairs-i New Delhi nung Pakistan High Commissioner, Abdul Basit jaoka India sorkari Pakistan High Commission nung staff züngsem rongnung ka, Khalid Mehmood ji melung masüba ketdangser ta sangdonga October 29 tashi nungbo India toktsür aotsüla, ta metetdakja liasü.