The Shuttlers-i 1 buba Mkg Inter-Club Badminton takokba angu

Mokokchung, October 29 (TYO): The Shuttlers Chuchuyimpang teloki set 4-3 agi Team Bendangsunep Mokokchung telok final asaya nung tsükdakja, 1 buba Inter-Club Badminton Championship 2016 takok marok tanü, Honibar nü agizükogo.
Tanü final asaya nung Shuttlers aser Bendangsunep telok naprongi asaya 3-3 koka, kasa jenjang anguba sülen Shuttlers teloki 7 buba set koka, tan takok marok ajangzüktsü jenjangji angu.
Shuttlers aser Bendangsunep telok nati 1 buba aser 2 buba jenjang takok marok den kulikaket o senpet agizük aser Individual shilem nung Native Shuttlers Mopoungchuket nungi Under-13 tebur asayar, Purtiba-i The Most Promising Player sempet agizüka liasü.