Longleng:CECS-i yimtsüng 3 den MOU zülutepogo

Longleng, October 29 (TYO) : ‘Mobile Medical Unit’ inyakyim kübok ‘The Hans Foundation’-i nungita inyakba project ajanga Community Educational Centre Society (CECS)-i mozü teyari küm ka agütsütsü atema October 28, 2016 nü Longleng District kübok aliba yimtsüng asem — Kangching Yim, Netuyu Yim aser Tamlu Yim — den Memorandum of Understanding (MoU) ka zülutepogo, ta sangdong ka ajanga metetdaktsü.
Mobile Medical Unit ya lokti anema aliyim project inyaker telok ka lir aser parnoki teyari mongutetba tesem nung alirtem nem teyari agütsür. Shirangertem yaritsü asoshi parnok ket nung Doctor, nurse, lab technician, pharmacist aser ambulance peria lir aser parnoki tang yimtsüng 15 tashi nung iba teyari agütsüdar. (Mokokchung district nung yim 12 aser tang Longleng district nung yim 3), kasa sangdong nung shia lir.
2013 küm tentetba sülen CECS indang MMU project ajanga timtemer 4000 dak tema nem teyari agüja arudar.