UN nung tang mezüng Diwali among

Unirted Nations, October 30 (Agencies): United Nations-i 2014 küm Diwali benjung agizükba sülen tanü Delobarnü UN-i tang mezüng Diwali mongogo.
“Tepela Diwali! UN-i tang mezüng Diwali amonger,” ta UN nung India nungi permanent züngsem, Syed Akbaruddin-i twitter ajanga metetdaktsü.
Paisa, “Iba mapatong atema General Assembly Tir, nü dang pelar,” ta ashi.
“UN nung India tenzüktsü ya maongka aser akhüm tulu lir. Tepela salem lemsatepba atema ajak dang pelar. Ni kü tajungtiba agi inyaktsü merangtsü,” ta paisa shisem.
Taküm küm nungi tenzüka UN nung Diwali ya ‘optional holiday’ ka kümogo aser UN indang New York building nunga “Tepela Diwali” osang sayaa liasü.