Adele o Simon Konecki na aniasüngtsü

October 30, 2016: British tsür nüngtugu kentener, Adele aser mapang talangka nungi medema aruba tedong, Simon Konecki na aniasüngtsü.
Tena küm pongu medema arudar aser tena jabaso ka sosema lir, ajisüaka lai ano tanur ka aginer, ta shiogo.
Adele-i lar jabaso Angelo tebu, Konecki den kibong akumtsü mulungogo, ta telung osang ka ajanga metetdaktsü.
“Kibong akümtsü atema mapang tang ya mapang tetemsü, ta tenati lemtetogo. Tenati ibaji mesangdongtsü, tena dak ibaji maket, iba den külemi Adele-i la temeyong nung (aniasüngba ring) diamond tulu ka inoka aliba küri inoker mangutsü,” ta tena medemer kati ashi.
“Ajisüaka tenati mera tasen agitsü mulungogo aser iba atemaji tenaprong pelar. Adele tang alima sema kenten sentong nung jajadar aser la sapurtem nem ken tentsüba atema la pelar, ajisüaka la ita 10 tashi kenena senzüba sülen lai lar kibong den anisüngzüka mongner,” ta kasa osang ajanga ashi.