EPL:Liverpool 4-2 agi Crystal Palace akok

London, October 30 (Agencies) : Tang tasayadak English Premier League asayamung nung Honibarnü asaya ka nung Liverpool-i 4-2 agi Crystal Palace madak takok ngua parnok team tajung rongnung densemogo.
Iba asayamung nung Manchester City aser Arsenal na sülen Liverpool-a tasembuba jenjang nung lir.
Iba asaya nung Liverpool atema goal yokertemji Emre Can, Dejan Lovren, Joel Matip, aser Roberto nunger lir.
Philippe Coutinho-i pass agütsüba ball ka Emre Can-i goal yok, ajisüaka goal yoker minute ana tang lir külen Liverpool nungi Lovren-i kanga aritepdang par goal leni ball metsüoktsüba Crystal Palace nungi James McArthur-i asema lur tekolak agi goalkeeper Loris Karius alema goal tongokja 1-1 aküm.
Saka Liverpool-i iba sülen minute asem lir külen, minute 21buba nung corner ka agidang Lovren-i pai aibelenba küptoka par telok atema tanabuba goal yok.
Ano minute 33buba nung McArthur-sa Palace pur atema tanabuba goal yoka 2-2 aküm.
Minute 44buba nung Liverpool-i ano corner ka agidang Joel Matip-i tekolak agi par telok atema goal tasembuba tongoktsü.
Yamaji asaya arur minute 71buba nung Jordan Henderson-i talang nungi metsüoktsüba ball ka Roberto Firmino-i goal yoka 4-2 küma parnoki iba takok angu.