Jharkhand nung telungpuri nisung ana kahset

Ranchi, October 31 (Agencies) : Hombarnü Jharkhand kübok Hazaribagh district nung Maoists telungpur asütsü akok ta temulung melemi bilemba telok kati nisung ana pua bener oa kahset, ta state police-i metetdaktsü.
Police-i ashiba agi, CPI-Maoist nungi jakzüka aoba, Jharkhand Prastuti Committee (JPC) kübok aliba Maoist temi Hazaribagh district kübok Kusumbha yimer ana kahset, ta ashi.
Parnoki kahsetertemji Rupesh Yadav, (36) aser Degan Turi, (40) na lir ta jangjaogo.
Tena ya par medemertem den Diwali pelatepa mungtepa lia pranpong agi tuiter pua bener ao aser Hombar anepdangbo tasümang ang angu. Tena teben alener temang sünga injak tarak liasü. Tena kechi atema pua bener oa kahsetar ano osang tejangja metettet.
Jharkhand kübok dictrict 24 rongnung dictric 18 nung Maoist telungpur kanga bulua lir.