India-i 4 Nations International Junior Hockey takok marok agizükogo

Valencia, October 31 (Agencies): India’er tebur junior hockey teloki goal 5-2 agi Germany madak final asaya koka, 4 nations Invitational Junior Hockey Tournament takok marok yashi, Deobar nü agizükogo.
Yashi asaya tenzüker minute 10 buba nung Parvinder Singh-i goal 1 agüja, par India telok temaba jenjang nung ajungkettsüba sülen külem asayar, Armaan Qureshi-ia minute 22 buba nung 2 buba goal agüja, India jenjang tajungba kümdaktsü.
Ano, Gurjant Singh aser Varun Kumar nati minute 40 aser 44 buba nung goal kaka agütsüba ajanga India teloki goal 4-0 agi maneni temaba jenjang ngua asaya.
Tesülen, asaya tenzüker minute 46 aser 65 buba na nung Philip Schmid-i goal 2 agüja, par Germany telok jenjang tajungba kümdaktsü.
Ajisüaka, asaya tenzüker minute 69 buba nung Simranjeet Singh-i 5 buba aser takokba goal agüja, India nem takok ngudaktsü.
Tan asayamong nung Harmanpreet Singh-i Best Player of the Tournament; Varun Kumar-i Highest Scorer of the Tournament ngua, Hockey India teloki tena nem senpet sen lakh kaka agütsü aser pei teloki takok angutsüsa tongti shilem agiba nüngtem nung India coach, Harender Singh nema senpet sen 50,000 agüja liasü.