LDA-cum-Computer Assistant & Computer Operator tatidang atema metetdaktsür

Dimapur, November 1 (TYO) : Nagaland Public Service Commission (NPSC) kübok LDA-cum-Computer Assistant & Computer Operator Examination ji November 4 & 5, 2016 nung agitsü.
NPSC-i 21.10.2016 aser 18.10.2016 nung sangdongba agütsübatem den külemi iba sangdong metetdaktsür, ta NPSC-i ashi.
Tatidang agütsütsüpurtemi Roll No. lemzükja aliba agütsüba sülen www.admitcard.npsc.co.in nungi Admission Certificate agizüktsü akok, ta NPSC sangdong ka nung metetdaktsü.
Admission Certificate tasen print out bener marurtem tatidang magütsüdaktsütsü aser candidate temi identity card bener arutsü metetdaktsür, ta sangdong nungsa shia lir.
Item No. 1 (Computer Operator) shimertemi Admission Certificate nung agüja liba tesem nung Computer Based Examination agütsütsü. Parnoki tatidang tenzüktsü ghonda ka tesadang jelia arur registration asütsü metetdaktsür, ta NPSC sangdong nungsa ashi.