CEC High School Educational Tour 2016

October 27 nungi 30, 2016 tashi Community Education Centre School, Dimapur nungi class 9 aser 10 nung azüngertem anir study tour sentong ka school-i ayonga kaketshirtem Sivasagar, Assam aser Tuli area, Nagaland sema jajaogo. Iba study tour ya school inyakyim nung keta aliba ama kaketshirtem nem puti otsü, monuments aser lokti balal indang sobaliba otsütem angazükdaktsütsü nükjidong nung ayongba lir. Kaketshirtemi Monuments, Chuba tem indang ki, külemkijaba tesem, Institutions, yimtsüngtem, Tea factory aser Rev. Dr. E.W. Clark suspension Bridge tem repranga jaja aser parnok Rajeshwari Karuna School Tuli nung anenzük. Tour nung adner kaketshir 28 den tesayur  4 külemi tangokba noksa ka yangi angur.