Ibai tang inyakang !

             Nenok taküm kenpiga angur, aser samaa aoba tangu. Yakob 4:14
Redwood süngdongi küm 1000 ka alir ta ashir. Ibaji anasatepa süngdong kar alitsü. Ano süngdong karbo küm 10 mesüra ishiba alitsü akok. Naro kar pungyar hopta ka mesüra anogo ter tashi alitsü, kar anepdang apunger aser nikong tsütsü azülatoker. Yipru tesashi, tornado minute ishika dang alir.
Nai asüngdangang, “Ni koda?” Meimchir taküm ka arishi tenemsür metsü, arishia liaka lir anasü dang ta Lai nung angur. Ne tebenjem mapang nung ibaji tajung ama bilemtsü!
Laishibai ashir, ne takümji tangula ama lir, aser tangulaji talangka lia mangur- mokozü ka ama adoker, aser teti asoshi oadoker! Anungji na kechiba ataa alir? Ibai tang asütsü akok mesüra kodanga masütsü, teti na malir, anungji mazüngi liang!
Nai piano temner asü? Lesson angazüktsü tenzükang. Nai Temeshi lima jagi aotsü pungmanger asü? Iba nung senzür ka (travel agent) ka jaang! Nai na tzü chigok dak paper maa alibaji maginer asü? Aji shitoker tasen yanglushiang. Nai exercise agidang tajungba akümer asü? Jembiba anenang aser jogging tenzükang. Nai kidang tsünütetba jangratema achir asü? Atsü yanglua metsü  yoktangtsü tenzükang. Kechisa nai meinyaki aru aji tang inyakang. Asüngbo kanga menur alitsü.
Nai na kanga tain ta bilemer asü? Tatalokba ka masü – tain mulung lemtetji kesü tamangba!
Tanü ne taküm Tsüngrem ket nung yujang, aser Pai ne dang kechi inyaktsü akok ne dang sayudakjang. Amen.