Nagaland nung ‘Saakshar Bharat’ atema Preraks training agir

Dimapur, November 2 (TYO) : 11th Five Year Plan nung tenzükba ‘Saakshar Bharat’ (Adult Education) maparen kübok Nagaland nung azüngtsü-zülutsü meteter noklang nung shilem 87.5 tongtetogo.
Iba legal literacy programme kübok tain 1,14,307 dak rangloker mapa inyaktsü tenzük aser iba mapang Nagaland nung tain 1,00,000 den temai basic legal literacy course nguogo.
Iba osang ya Literacy Mission Authority (SLMA) Nagaland, R Ekonthung Lotha-i Hotel Saramati, Dimapur nung sentong ka nung metetdaktsü.
Anogo ananü atema ‘Refresher training of Preraks of Nagaland on legal literacy’ sentong agir aser tanü Ekonthung-i Preraks (legal literacy trainers & volunteers) den jembidang, “India sorkari state shia nung 100% atongtsü nükjidong nung iba sentong ano küm pungu inyaktsü atema mapang apuloktsüogo” ta ashi.
Iba sentong nung mendenji SRC NEHU programme coordinator, Barikor Syiem liasü, Coordinator, SLMA Nagaland, B Chingloi-i tesentepertem pela agizük aser coordinator, SLMA, Mongchen Aier-i anküp tepela o jembi.
‘Saakshar Bharat’ ya State Resource Centre (SRC), NEHU, Shillong-i State Literacy Mission Authority (SLMA) Nagaland den yaritepa ayongzüker aser iba training nung Mon, Tuensang, Longleng o Kiphire nungi Preraks 60 tashi adener.