Depp-i Eddie den aroki Fantastic Beasts film nung shilem agitsü

Los Angeles, November 03 (Agencies): Hollywood star, Johnny Depp-i ‘Fantastic Beasts & Where to Find Them 2’ film nung shilem agitsü renemba osang jangjaogo.
Arishi küm 53 tain Depp-i tesüsaba Fantastic Beasts film nung kechi shilem agitsü iba osang tang tashi alima dang jungkai adoka memetetdaktsüi lir saka pai Eddie Redmayne den külemi iba film nung shilem agitsü renema lir.
Mezüngsüa yangluba Fantastic Beasts film nunga Depp-i shilem tila ka agia liasü aser iba film tan November ita 18 nü alima dang sayatsü renemba osang Deadline-i metetdaktsüogo.
Fantastic Beasts ya otsü kaketzülur, Newt Scamander-i züluba New York yimti nung miima tentetba arasener aser arasentsür telok ka otsü nung ajemdaker yangluba film ka lir.
Nüngtugu Harry Potter otsükaket zülur, JK Rowling-i film nung amshitsü oren renemba sülen iba film-ji Yates-i direct süa yanglu.
Kasa film nung Deep o Eddie na dak alia Katherine Waterston, Alison Sudol aser Dan Fogler nungeria shilem agia lir.