Aamir Khan o kinungtsü na AP nung südoksünemdar

Mumbai, November 04, 2016 : Bollywood superstar Aamir Khan aser pa kinungtsü, film yanglur, Kiran Rao na tang mapang Arunachal Pradesh nung südoksünema mungdar.
Aamir ya tang pai shilem agiba film “Dangal” sayatsü renemshia mapang lir aser pai 2005 küm agila, pa kinungtsü tena tangokba selfie ka lamsatepogo.
“Arunachal Pradesh arem min nung. Iba tesem ya tobur jungra!” ta Aamir-i noksa teküpoklen zülua lir.
Aji oda süaka, noksa nung tena jabaso Azad Rao Khan bo mali.
“Dangal” film ya shitakba atalokba saisapong drama film ka lir aser iba film ya taoba mapangtem nung “Chillar Party” aser “Bhootnath Returns” film tem direct asüsang, Tiwari-i direct asüba lir.
Iba film nung arishi küm 51 tain, Aamir-i Mahavir Singh Phogat ama shilem agia lir aser pai jala ana, Babita Kumari aser Geeta Phogat na dang melangteptsü sayuba otsü nungji angutsü.
Pai iba film nung Phogat tambusang aser tanubusang naprong shilem repa agiba angutsü. Dangal film nung Phogat tambusang ama shilem agitsü asoshi pa temang tuozük seret 95 tashi kümdakja liasü aser tang pa iba tuozükji seret 70 tashi aludaktsüba mapang ka nung lir.