Mar 5 tatalokba bushisüngdangtsü atema mapang atsülangtsür

Dimapur, August 7 (TYO) : March 5, 2015 nü nisung telok kati tashiyim amshia Central Jail, Dimapur nungpoka tur Sayed Sarif Khan anizüker tepsetba aser ano iba mapang Shoipu yimer Inito Swu asüba tatalokba bushisüngdangtsü atema Nagaland sorkari mapang apuloktsüogo.
State sorkari July 22, 2015 nungi October 22, 2015 tashi iba tatalokba bushisüngdangtsü atema mapang apuloktsüogo, ta tanü sangdong ka nung metetdaktsü.