Arem shiruru kümzüktsü atema loktii mapa inyaktsüla : T.R Zeliang

Beisampeukam yimtsüng nung Nagaland Chief Minister, T.R Zeliang-i Amur Falcon chiokdang agiba noksa angur.

Dimapur, November 4 (TYO) : Arem shiruru kümzüktsü aser wazüka ayutsü asoshi tongtipangtibaji loktii shilem agiba lir, ta Nagaland Chief Minister, T.R. Zeliang-i tanü ashi.
Beisampeukam yimtsüng nung Human-Animal Conflict Mitigation Awareness Campaign aser satellite tagged birds chiokba sentong nung pai iba o jembi.
“Meimchir aser arem shiruru tsüngda kati ka yaritepa alir saka asenoki ibaji mebilemdangi shirurutem alidaki tashiyim agi iogo. Asenoki shirurutem aser arem aika samatsüogo,” ta T.R. Zeliang-isa ashi.
Chief Minister-i Beisampeukam yimer dang Intangki National Forest kümzüktsü aser wazüka ayutsü atema ayongzük.
Sentong nung tetushi süa jaokerji Forest Minister, Dr. Nicky Kire-i o jembidang, Dr. R.S.C. Jayraj, Director Rain Forest Research Institute GoI-i Human-Animal conflict ya Human Animal co-existence agi melentsüla ta jembiba olen pusema metetdaktsü.
Sentong nungsa Chairman & PCCF & HOFF, I. Panger Jamir, S.P. Tripathi Chief Wildlife Warden, B.S. Kharmawphlang APCCF, Regional Office, MOEF&CC, GoI Shilong, Imtimenla Secretary Department of Environment, Forest Climate Change, Dr. Jayraj Director Rain Forest Research Institute, ICFRE GoI Jorhat, M/S Fingerprint and Castle Group, Zeliangron Baudi Nagaland, Dr. Suresh Kumar Scientist WII Dehradun, representatives of Hungarian Scientist aser Heuneilung, Field Director, Intangki National Park ungertemia o jembi.