Samajwadi Party-i tamakok angutsü ta agizükogo: Mayawati

Lucknow, November 05 (Agencies): Honibarnü BSP tongti, Mayawati-i tanga opposition party tem aitsüba den külemi lai, Uttar Pradesh nung SP-i tamakok angutsü ta parnok sasa agizükadokogo, aser Centre nung BJP sorkari election mapang nangzükbatem meinyak, ta ashi.
Uttar Pradesh nung party tem lokteptsü “Mahagathbandhan” indang jembiba dak sentakba nung Mayawati-i, “Parnoki iba atema inyakbaji ajanga Samajwadi Party-i tamakok angutsü ta agizükba kuli sayur,” ta ashi.
BSP lenirisa, ozüng alema inyakertem Chief Minister Akhilesh Yadav den lir, aser par party nunga pa ola mali. Party züngsem nung merumeru aliba ajanga Samajwadi Party nung telemsa adoka lir, ta ashi.
Muzaffarnagar aser Dadri tatalokbatem dak sentakba nung Mayawati-i, “BJP-i Uttar Pradesh nung tamangba lokti tsüngda telemsa adokdaktsüner,” ta aitsü.