Ankara, November 05 (Agencies): Turkey sorkari sorkar anemer osangkaket adokdak inyaker osangbener 9 aser Kurd telok pusemer lenirtem aputsü ozüng tanü, Honibar nü agütsüogo.
Kurd kin nisungtemi tentetba People’s Democratic Party (HDP) yimtenren telok lenirtem okadak ken o mangdangi tepuokdak puoka yur anogo tanabuba nung tan osangbener aser Kurd lenirtem maneni aputsü ozüngji agütsür lir.
Mitkar telok kati linük yimsüsütsü tashi tashiyim agi agitsü maparen taküm July ita inyakba sülen Tir Tayyip Erdogan-i aniba Turkey sorkari obendanger, tesayur, police aser sorkar tentet balala nung inyaker nisung 110,000 dak tema sorkar anemba ken o nung ajemdaker tepuokdak puoka merenshiba aser mapa nungia anentsüba osang bushiteta lir.
Turkey-i osangbener aputsü ozüng agütsür added by asungba on
View all posts by asungba →
You must be logged in to post a comment Login