US:Samsung-i washing machine million 2.8 yanglushitsü

Washington, November 5 (Agencies) : Note 7 smartphone agi akoksaba agi onkanger lia Samsung Electronics-i parnok indang top-loading washing machine yoker aliba million 2.8 meyipa sarudener yanglushitsü atema lemtetogo. Iba kol ya kanga atashiba agi parnoki iba telemtetba agi.
March 2011 nungi tang tashi yangluba koltem nung iba timtem ya lir.
US Consumer Product Safety Commission (CPSC)-i ashiba agi, item kol indang tekolak ya meimlai aliba mapang semzüka alur aser iba jagi yirudaktsütsü.
“Iba kol tali atashiba agi balance raksar kol tekolak semzüka aluba osang angashia onoki sarudena yanglushitsü lemtet,” ta Hokolbarnü Samsung-i sangdong ka ajanga metetdaktsü.
“Iba lendong ya süoshi tulu aser tzü junga majemba sü high-speed nung spin asüdang ataloker,” ta sangdong nungjisa shia lir.
Tan Samsung-i yanglushitsü aliba koltemji model 34 tashi lir, ta CPSC-i ashi.