Aibelener MPs, MLA tem anentsütsüla: Election Commission

New Delhi, November 07 (Agencies): Ozüng alema inyakba atema aija alir MP tem aser MLA tem anentsütsü atema akhangba nung Election Commission-i pusema ola adokogo, ajisüaka parnoki Supreme Court dang, election ozüngtem nung ibaji inyaktsü atema tetsükdaktsü lir, ta ashi.
Election Commission-i, Lok Sabha Principal Secretary mesüra Rajya Sabha-i menden nung anentsütsü atema memetetdaktsü tashibo ozüng alema inyakba nung aija alirtemi maneni MPs aser MLA inyaktsü maongka agir, ta ashi.
“Iba ama mapang ka nung Election Commission (EC)-i menden tazüng atema sangdongtsüsa akumer,” ta EC atema jembitsür, senior advocate Meenakshi Arora-i Chief Justice T S Thakur-i aniba bench dang metetdaktsü.
Iba bench nung züngsemtemji Justices D Y Chandrachud aser L Nageswara Rao na lir.
NGO temepishiba ka nung, 2013 küm Supreme Court obendang ajanga aibelenba ken o nung MP, MLA tem anenja liaka legislative secretariat tsütsülen nungi temetetdaktsüba menoba ajanga aija aliba MLA MP temi office tajangzük maneni agir, ta shia lir, aser iba dak sentakba nung taküm July 22 nü Supreme Court-i Election Commission dang nungi telangzüba ka meshia liasü.
Temepishiba nungsa, high court ajak nung MP MLA tem aitsüba obendangji ghonda 24 tsüngda Legislative Secretariat nung angutsüla, koba ajanga parnok anentsütsü atema tekaratiba nung inyaktettsü, ta shia lir.
Supreme Court-i Representation of People Act nung section 8(4) agiena liasü, koba ajanga ozüng alema aibelenba nung aitsüra idangyongjisa MPs aser MLAs anentsütsü.