BlackBerry-i India nung Android smartphone ana sayaogo

New Delhi, November 07 (Agencies) : Canada nung mobile yangluba company, BlackBerry-i India nung Hombarnü Android smartphone ana — DTEK50 aser DTEK60 na sayaogo.
BlackBerry handset temji market nung ajungketa ayoktsü mechi nung BlackBerry-i Delhi, India nung amenoka aliba telecom company, Optiemus den loktepba osang metetdaktsüogo.
DTEK50 smartphone sen 21,990 aser DTEK60 smartphone sen 46,990 agi ayoktsü.
“India ya BlackBerry atema tongtibang market ka lir aser onok Optiemus Infracom Ltd den lokteptetba osang kanga pela sangdonger. Parnok den lokteper inyakba ajanga onok network tali ulushir aser ibaji ajanga BlackBerry Android agi tamshirtem ajangzükdaktsüba nung yaritsü,” ta BlackBerry Global Device Sales Senior Vice President, Alex Thurber-i osangbenertem dang ashi.
DTEK50 smartphone nung 5.2-inch full-HD display, 3GB RAM, tesülen 13MP camera aser tejaklen 8MP camera den LED flash dena lir. Iba phone nung tuluba küma amshitettsüsa 2TB memory inokja lir. DTEK50 phone nung 2,610mAh battery ajanga tashi agütsür.
DTEK60 nung smartphone nung 5.5-inch quad-HD display, 4GB RAM, 21MP rest camera aser tejaklen 8MP camera inokja lir. Iba phone nung fingerprint sensor keta lir aser tashi ajak 3,000mAh battery ajanga agütsür.