Helicopter stunt aiba sülen actor ana mangur

Bengaluru, November 07, 2016 : Hombarnü Kannada movie ka tangokba mapang actor ana helicopter nungi tzütu ka nung lua pungokba mangu bushitepdar. Anungji ketdangsertemi tena bushitsü maparen tanüsa tenzükogo.
Iba shilem ya actor Duniya Vijay-i tongti shilem agiba Kannada film “Maasti Gudi” atema tzütu ka nung tangokerba liasü,” ta police aser Kannada film industry osang ajanga metetdaktsü.
Osangbener ket nung aliba video ka nung iba helicopter nungi mezüng nisung ana pungzüka alu aser iba sülen nisung ka pungzüka aluba lir.
Actor Duniya Vijay bo tzüküm toanga tzü awa yonga arutet saka Anil aser Uday nabo tzü awatsü merangdangba khen dang ngurbo tang tashi mangur.