NE Festival nung designer Nabam Akaa-i yanglutetba fashion sayu

Dimapur, November 07 (TYO) : Ajaki akhümtsübua aliba Fashion designer aser lokti atema bendanga agüja inyakla, Arunachal Pradesh tsür Nabam Akaa-i tanü asüng tetsür aser teburtem atema puratetba fashion sayuogo.
Lai yanglutetba sobusolemtsütem ajanga la dak purapitetba aser tatakba sütem jenjang temabai ajungketba sempet tajung angur.
Iba sentong nung Nagaland nungi Supermodel aser tesüiba mapang Mister India International Opang Jamir aser  TV sentong “Hitler Didi” o “Surya The Super Cop” nung shilem agisang, Television Actor aser Journalist, Sumit Vats nata ramp nung jaja.
Taküm küm tentenzüklen Nabam Akaa-i la indang “Akaa Creations” saya aser Naharlagun, Arunachal Pradesh nung tetsürtem sobütsütem ayokba dokan ka lapoka lir.
Akaa-i lai yanglutetba sobusolemtsütem linük rangbeni metettsüsa ajungketner.
London Fashion Week 2015, Northeast India Fashion Week 2015 aser Colours of Northeast Mumbai 2016 sentongtem nunga lai yanglutetba fashion tem sayuogo.