Dmr nung mejangjatetba tasümang ka lir; Police-i ganja seret 300 apu

Dimapur, November 8 (TYO) : District Hospital Morgue nung arishi küm 35-40 tain tsümar ka indang tasümang yua lir, ta Addl. Dy. Commissioner of Police/PRO, Dimapur-i sangdong ka nung metetdaktsü.
Iba dak sendakba nung West Police Station Dimapur kübok ken o ka benoka lir
Mejangjatetba mang nung teka anatsülen ‘Om’ olong indang tattoo tepa lir aser teka achijilen ‘SM’ ta zülua lir, ta sangdong nung shia lir.
Iba nisung meteta alir nisung kar lira, +917085055024 ajanga Officer-in-Charge, West Police station Dimapur den tongteprateptsü metetdaktsür, ta sangdong nungsa shisem.
Ano, November 7, 2016 nü Dimapur Police-i Dellai Police Check-gate nung garitem mita reprangdang, truck gari ka nung ganja bena aliba putet, ta Dimapur Police sangdong nung metetdaktsü.
Truck gari (NL02-N-8973) nungji ganja seret 300 bena liasü aser iba dak sendakba nung nisung ana puogo. Tenaji, Bhojpur, Bihar nungi asür Ram Chandra Pandey’er jabaso Depak Pandey aser Karimganj, Assam nungi asür Abdul Sukkur’er jabaso Hasib Uddin na lir ta jangjaogo, ta Dimapur Police-isa metetdaktsü.