Angelina-Brad na telemtetba ka dangi aruogo

November 09, 2016: Hollywood nung nüngtugu apuani- Angelina Jolie aser Brad Pitt na pilaba mapang nungi tenzüka tang tashi nung Angelina-i dang tanur trokprongla repranga arudar.
Osang ajanga angazükba agi, Brad Pitt-i tenapronglai tanur sentepa reprangtsü atema tawa temepishiba benoka liaka Angelina Jolie-i dang tanur trokprongla reprangtsü aema telemtetba ka dangi aruogo.
Hombar aonung (November 7) osang balala ajanga, arishi küm 41, Jolie den tanur trokprongla alitsü, aser Pitt-i bo tanurtemji khenkhen dang semdangtsü akok, ta metetdaktsü.
Joko mapang tatsüka Angelina aser Brad Pitt na tsüngda tanurtem reprangtsü atema temepishiba benoker raraa arur.
Jolie atema jembitsür kati, “Tanur anepaluba mongintemi tezüngzüktep ka dangi aruogo aser hopta ka tejaklen anatsülen nungi sign sütepogo,” ta ashi.
“Iba tezüngzüktep nung, tanur trokji tetsü den alitsü aser tenure tanurtem semdangtsü akok. Tanurtem jenjang tajungtiba atema childcare mongintemi oibaji lemtetogo,” ta kasa osang ajanga ashi.
Taoba Hokolbarnü (November 4) Pitt-i tenapronglai tanurtem reprangtsü atema temepishiba benoka liasü.