Cristiano Ronaldo-i Goal 50 naroküm ajangzüker

Madrid, November 12 (Agencies): Goal.coms-i kümshi agiba alima ajunga nung football asayar tajungtiba shimtsü mapatong nung Real Madrid aser Portugal forward, Cristiano Ronaldo-i temaba jenjang ajangzüka, World’s Best Footballer naroküm agizükba osang ka tanü, Honibar nü sangoktsüogo.
Ronaldo-i ita 12 tsüngda nung football kangasa junga asayaba sülen pai Barcelona striker, Uruguay nunger Luis Saurez aser Atletico Madrid forward, France nunger Antoine Griezmann na den temaba jenjang ngua, tan narokümji ajangzüker lir.
2015 Goal 50 naroküm ajangzüker, Argentina nunger Lionel Messi-i 4 buba jenjang ngua liasü aser iba naroküm agütsütsü tenzüker küm 8 tsüngda nung Messi-i tan mezüngsüa, temaba jenjang 3 angur asayar tarensen nung medensemer lir.
Goal 50 asayar tarensen ya alima ajunga nung Goal.com osangbener 500 dak temai küm tepiyong asayartem tendanga renemba tarensen lir.