UPSC-i ‘paper admit cards’ magütsütsü

New Delhi, November 13 (Agencies) : Taküm civil services main examination atema paper admit cards magütsütsü, ta Union Public Service Commission (UPSC)-i metetdaktsü.
UPSC-i December 3 nungi 9 tashi centre 23 nung tatidang agitsü sentong lir aser iba tatidang atema parnoki www.upsc.gov.in nung e-admit cards upload süogo.
“Candidate temi e-admit card agizüktsü aser ibaji print-out asütsü metetdaktsür. Parnok lemzüktsüba centre nung candidate temi e-admit card print-out tem bener arutsüla” ta UPSC sangdong ka nung metetdaktsü.
“Noksa junga majitetra candidate temi session shia nung pei indang noksa den Aadhaar card, voter identity card, driving licence, passport amala bener arutsü shisemer. Commission-i iba tatidang asoshi paper admit card magütsütsü” ta parnokisa ashi.
Civil services examination ya telemsa asem nung agir aser itemji Indian Administrative Service (IAS), Indian Foreign Service (IFS) aser Indian Police Service (IPS) lir.
Timtem kar ajurura, candidate temi UPSC facilitation counter nung mesüra 011-23381125, 23098543 aser 23385271 ajanga metetpelatsü akok, ta UPSC sangdong nungsa metetdaktsü.