J&K sorkari school 174 lapoktsü tuyuogo

Jammu, November 14 (Agencies): Hombarnü Jammu & Kashmir sorkari Mongolbar nungi tenzüka arrtsülen shibanga aliba school tem lapoktsü tetyuba agütsüogo.
Taküm September 29 nü India-i LoC nung surgical strikes aoba sülen India aser Pakistan tsüngda tensa tamajungba akümba ajanga International arrtsülen aser Line of Control (LoC) nung school aika shibanga liasü.
Pakistan sepaitemi ceasefire ozüng alema shells aser injang yokba ajanga November 1 nü sorkari India-Pakistan arrtsülen aliba school 174 shibangtsü tuyua liasü.
Ano külen Kashmir nung tensa raksaba sülen mejangjaba nisungtemi school 32 tashi rongdoktsüogo.
Item tatalokba sülen J&K Chief Minister, Mehbooba Mufti-i, item ama tatalokba nokdangtsü atema tesayurtemi aonung school tem anüktsü asoshi tetuyuba agüja liasü.