Miss Mokokchung-i ‘Little Folks Nursery School’ semdangdang

November 14, 2016 nü Miss Mokokchung Ayusangla Jamir-i Mopungchuket yimtak ‘Little Folks Nursery School’ semdangdang tangokba noksa ka yangi angur. Skol semdangdang Kr. Ayusangla-i la lanuwa bilemteta tsürabur, tesayurtem aser taintemi la anepalua indaktsüba ajanga la meraksai temeim agi sünga aliba tetsür ka küma intet aser la anasa aliba nüburtem den iba temeimji anogo shia lemsateper, ta ashi. Ni tanurtem kanga meimer aser parnok den munga kazüner kechiba süra parnok ochi aser alima indang tapu ajak kanga metetnüba mapang lir. Iba mapang ya parnok lenmang teindangba nung anitettsüla, ta lai shisem. Yimtak iba amala skol ka nüngdaker ta achiteta Skol kibur Kr. Lemsemsangla-i iba preschool ya March 03, 2016  nü lapok.