ATP Tour Finals: Djokovic-i takok ngua asayatsü tenzüker

London, November 14 (Agencies): Serbia nunger tennis asayar mongin, Novak Djokovic-i takok ngua, teshimtet tebur tennis asayartem asoshi küm tatemlen ayongba tongti tennis asayamong, ATP Tour Finals nung yashi, Deobar nü shilem agiogo.
Tebur World No. 1 tanaben akümtsü alizüng ayusang, Djokovic-i yashi points 6-7 (10/12), 6-0, 6-2 agi Austria nunger Dominic Thiem madak takok ngua, par tetenzükba asaya nung shilem agia liasü.
Britain nunger Andy Murray-i temaba jenjang ngua, Djokovic-i hopta 122 tashi World No. 1 jenjang abenba otsü taoba hopta tembangtsü.
Ajisüaka, tan asayamong nung takok ngua, tan agi 5 buba Tour Finals takok marok agizükra, arishi küm 29 tain Djokovic-i maneni World No. 1 jenjang abentsü temeten angutsü.