Exodus DPO aser CHILDLINE nati Disable children atema Children’s Day amung

Dimapur, November 14 (TYO) : Exodus Disabled People Organization (DPO) Federation Dimapur-i Dimapur nung matamabensar tanurtem den Children’s Day amung.
Linük nung tanurtem asoshi Children’s Day ya amunger saka iba anogomung nung temang aser tekolok agi tangar memenepertem senzüka yutsür. Iba ama tensa ka nung Exodus DPO federation-i CHILDLINE Dimapur den yaritepa tangar memenepba tanurtem asoshi sabang ka lapoktsü.
Exodus DPO aser CHILDLINE nati Prodigals’ Home Resource centre nung iba sentong ayongzük aser tanur 80 den parnok tsüraburtem arua aden.
Sentong nung Exodus DPO Vice president, Mrs. Longthongo-i tesentepertem pela agizük, President Mrs Roshullo-i matamabensaba indang onük jembi aser CHILDINE City coordinator, Dimapur Mr. Neiketulie-i CHILDLINE indang metetdaktsü.
Sentong nung adenba tanur ajak nem sempet agütsü aser tadener ajak nem achiajemtsü agütsü.