NCHD-IT-i Samaguri nung Children’s Day ayongzüka amung

Dimapur, November 15 (TYO) : Nagaland Centre for Human Development & Information Technology (NCHD-IT)-i November 14 nü Samaguri Primary School, Dimapur nung Children’s Day ayongzüka amung.
Iba sentong ya Child Help Foundation, Mumbai-i teyari agüja ayongzük aser “Today’s children tomorrow’s leaders, Invest today for better tomorrow” omen nung ajemdaker amung.
Iba sentong nung tanur 100 tema adenshia asür Pandit Jawaharlal Nerhu tasoba anogo nung pa nem tetushi agütsü.
Sentong nung mendenji Lithongo Lotha (Child Help Foundation, Dimapur Branch) liasü, Pastor Deep (St. Joseph Catholic Church) Samaguri village-i temoatsü meshia sarasadem, Yashimenla Lemtor, Executive Director (NCHD-IT) aser Hekali (In-charge Primary School, Samaguri) nati o tatsütsü jembi.
Sentong nungsa Starson (Chairman, Primary School)-i anküp tepela o jembi aser Child Help Foundation, Panasers o Mary Jess (Modi Care) nungeri chiyungtsü aser süoshitem lema agütsü.