Sen melenba maparen party ajaki nungittsüla:Modi

New Delhi, November 15 (Agencies) : Mongulbarnü linük Ato Kilonser Narendra Modi-i, political party ajaki GST Bill atema obang ka sür inyakba ama pai aniba sorkari sen melentsü lemtetba maparen nunga nungita yaritsüla, ta Parliament nung mepishia ashi.
Modi-isa tang linük nung state kar nung election agitsü aliba maparen nunga akok tashi yariteptsü shiogo, ta Parliamentary Affairs Minister Ananth Kumar-i party ajak nungi adenshia senden amenba sülen metetdaktsü.
“Ato Kilonser-i GST (Bill) atema inyakba ama obang ka sür amalitepa inyaktsü mepishir. Teraksa, ochi mashi, black money aser sen taila anema ka küma longjemer inyaktsü onoki parnok dang mepishir, ta Kumar-i ashi.
Ato Kilonseri tan tsüngküm mapang amentsü aliba Parliament senden nung linük aser nüburtem ajungtsü aser nüngdakbatem benoka olemteptsü political party ajak dang mepishia metetdaktsüogo, ta Kumar-isa ashi.